दासवर्गका बौद्धिक

 दासवर्गका बौद्धिक 

नेपालका सर्वश्रेष्ठ प्राणीको जन्म त स्वतन्त्र रूपमा भयो तर यो मस्तिष्कको चेतनालाई कसैले कब्जामा राखेर दास बनाईरहेको, कसैले कतैबाट संचालन गरिरहेको जस्तो भान हुन्छ। 

मस्तिष्कमा रहेको गिदि त आफैले बोकेका छौं तर कोही अरूकालागि बोकीरहेका छैनौं कतै! गोबर र हिलो बोक्ने  मेहनत, कर्तब्य र दायित्वमा पहिलो नाम तर श्रेणीमा अपहेलित र पिडित, स्वतन्त्र कृषक वर्ग बरू वास्तविकतामा, व्यवहारमा श्रेष्ठ र बौद्धिक देखियो तर  मगमग सुगन्धित बासना आउने, ठानिएको बौद्धिक वर्ग पनि रहेको यस्तो देश देख्दा, ति कसैको दास देखियो। देखिदा उच्च जस्तो देखिने तर यथार्थमा अन्तिम पहिलो वर्गमा स्थापित बौद्धिक वर्ग आफ्नै कारणले समाजले पवित्र अछुतो बनाएको त हैन। 

बौद्धिकताको स्वभाव के हो! अरूले मानिदियोस भनेर पर्खिएर बस्नेकी, आफुले क्षमतानुसारको योगदान गर्ने! बौद्धिकता र त्यो बौद्धिक उपलब्धि वर्गमा उच्चता र उच्च पदसोपमा पर्ने साधनको रूपमा प्रयोग नगरियोस्। यसको प्रयोग भरपुर गरियोस्। नेपाली समाजको चेतनालाई गुणस्तर बनाउन नसक्नुको जिम्मेवारी बौद्धिक वर्गले लिनु पर्दछ नत्र पवित्र पहिलो नभई अन्तिम पहिलो नै कायम रहनेछ।

आफैले बोकेको आफ्नो गिदिलाई आफैले चलाउने दिन आउला त!