विश्वव्यापी प्रणयदिवसको शुभकामना

 वर्तमान पितृसत्तात्मक पूँजीवादी समाजले महिलाले आफ्नो कला, योग्यता, क्षमता, तथा शक्ति प्रदर्शन गरेको भन्दा अंग प्रदर्शन गरेको हेर्न चाहान्छ । 

नेतृत्व, व्यवस्थापिका, कार्यपालिका र न्यायपालिका भनेको कुनै निश्चित लिङ्गको प्राकृति क्षमता र वीरता हो भन्ने जस्तो देखिन्छ । तर यो निकृष्ट मूल्य मान्यता कुनै लिङ्ग विशेषले ऐतिहासिक सन्दर्भ संगै निर्माण गरेर त्यसैलाई निरंतरता दिदै अतिवादी पितृसत्तात्मक समाजलाई मजबुत बनाएको प्रमाण भेट्न सकिन्छ । 

पितृसत्तात्मक समाजको संस्कृति साथै मूल्य-मान्यता विश्वव्यापी रूपमा चलेको छ त्यो प्रकृतिक नभई समाज निर्मित हो भन्नेकुराको चेतना राख्नु पर्ने हुन्छ । अंग प्रदर्शनको चाहाना कसैको निजी नभई योजनाबद्ध रूपमा विकास गरिएको वा निर्माण गरिएको मनोविज्ञान हो, निर्मित संस्कृति हो । जसले ऐ तिर धकेलिरहेको र बाध्य बनाएको हो तर त्यस्तो महसुस हुदैन । 

शोषक, र नाफाखोरी पूँजीवादी पितृसत्तात्मक समाजको विनिर्माण गर्न सबैले चेतनाको विकास गरि न्यायिक समाज पुनःनिर्माण गर्ने सबैको कर्तव्य हो, दायित्व हो ।

प्रणय दिवसको अवसर पारेर वा प्रेमको नाममा शारीरिक भोक मेटन हिडेका त्यस्ता पिपासु प्रवृत्तिको सिकारी बाट सिकार हुनबाट बच्ने चेतनाको विकास होस् । पितृसतात्मक पूँजीवादी प्रणयदिवस अवसर भन्दा बढी चुनौतीपूर्ण रहेको भन्ने कुरा बुझ्न जरूरी छ ।