भ्रम र सचेतना
गरिब र गरिबीले भरिएको शहर बाट
त्यही हिंस्रक शहरका भोको र भूइमान्छे बाट
राज्य र अख्तियारवालाले
फुल माला र अबिरको
राजअभिशेष खोजनु मूर्खता हो ।
भोको मान्छेले यस्ता शासकहरूलाई
जिउदै निलेको
र
भूँइमान्छेले जिउदै जमिनमा गाडेको इतिहास बिर्से भने
तिनलाई र प्रवृत्तिलाई
सिङ्गै र जिउदै निल्नेछन्, गाडने छन् ।
राज्यसत्ताको मात अफिमको नशा झै हुन्छ
जसले भ्रममा राखेको हुन्छ ।
अभाव र गरिबीको चेतना वास्तविक हुन्छ
जसले न्यायकालागि विद्रोह गर्छ ।
शासक हुँ भन्नेलाई पनि सचेतनाको शुभकामना ।
भोको र भूँइमान्छेलाई पनि क्रान्तिको शुभकामना ।
No comments:
Post a Comment