अध्यात्म र देवता भ्रम हो

 अध्यात्म र देवता भ्रम हो

भौतिक जगतमा 'अध्यात्म' र 'देवता' भनेको निश्चित व्यक्ति वा समूह ( लिङ्ग , रंग , वर्ण , वर्ग )ले आफ्नो स्वार्थ पूर्ति गर्न आम मानिसलाई तिनको मुख्य केन्द्रीय विषयमा केन्द्रित हुन नदिन साथै विषयवस्तु बाट भड्काउनकालागि मूर्ख र पागल बनाउने आईडिया मात्र हो । 

वैज्ञानिक प्रमाणितका कुरा नै हुदैन अध्यात्म र देवतामा । अध्यात्म र देवताका विषयमा निर्माण गरिएको भाष्यलाई अन्धविश्वास गरिदिदा मात्र त्यसको अस्तित्व रहन्छ । जब अध्यात्म र देवतामाथि वैज्ञानिक प्रक्रियामा रहेर प्रश्न गर्न थालिन्छ त्यसको वास्तविकता बाहिर आउदछ । अर्थात यसले विज्ञान र वैज्ञानिक प्रक्रियालाई स्विकार्न सक्दैन र मान्दैन । 

अध्यात्म र देवता जस्ता आइडिया मानवमा भ्रम सृजना गराउने र मानवलाई भ्रममा राख्ने वा राखिरहने साधनको रूपमा प्रयोग गरिएको हुन्छ । हैन जस्तो लाग्छ भने केही प्रश्न गरौं जस्तै; यस विश्व समाजमा कोही धनी र कोही गरिबीमा किन छन् । सबै मानवको समान हैसियत र अवस्था किन छैन !

विश्व समाजमा रहेको असमानता , अन्याय , अभाव , गरिबीका विषयमा समाजशास्त्र अन्तर्गत मार्क्सवाद लगायतले भौतिक तथ्य र प्रमाण सहित स्पष्ट जवाफ दिन सक्दछ । तर अध्यात्म र देवतावादले त्यो तथ्य र प्रमाणलाई ढाकछोप गर्दछ । त्यसैले यो अध्यात्म र देवतावाद उच्च वर्ग , उच्च वर्ण , उच्च रेस , उच्च लिङ्गको स्वार्थ पूर्ति गर्ने साधनरूपी दर्शन हो । 

हत्या , हिंसा , अपराध , असमानता रोक्न नसक्ने र त्यस विषयमा वैज्ञानिक विषय राख्न नसक्ने अध्यात्म र देवता ठगि हो । विश्व समाजमा रहेको आम मानिसको चेतनालाई भ्रममा राख्ने उच्च वर्गको दर्शन हो । यसमा कुनै प्रकारका प्रमाणित विज्ञान र वैज्ञानिक प्रक्रियाको अवलम्बन गरिदैन । त्यसैले अध्यात्म र देवता आफैमा भ्रम हो ।