उस्ले चिन्न नखोजेपछी ,
सिङ्गै अस्तित्व हराएको मान्छे ।
उस्ले अस्विकार गरेपछि ,
पुरै बहिष्करणमा परेको मान्छे ।
उस्ले घेराबन्दीमा पारेपछि ,
चक्रव्यू जालमा फँसेको मान्छे ।
उस्ले भएको सबै खोसेपछि ,
गुमाउन पनि केही नभएको मान्छे ।
उस्ले आफ्नो समूह बनाएपछि ,
समाज देखि अलगीएको मान्छे ।
सचेतनाले अलगाव बनाएको
त्यो नै सबै भन्दा खतरा मान्छे ।
उस्ले असमानतामा पारेपछि ,
विभेदको दलदलमा परेको मान्छे ।
उस्को हुने खाने व्यवहारले ,
हुदा खानेको चेतमा आएको मान्छे ।
उस्को पूँजीजीवी उदण्डताले ,
कंगालिकरणमा सकिएको मान्छे ।
उस्को साधन माथिको पहुँच र शक्तिले ,
वर्गीय सचेतनामा आएको मान्छे ।
मार्क्सवादको झोला बोकेर
संघर्ष र क्रान्तिमा हिडेको मान्छे ।
सचेतनाले अलगाव बनाएको
त्यो नै सबै भन्दा खतरा मान्छे ।
सिङ्गै अस्तित्व हराएको मान्छे ।
पुरै बहिष्करणमा परेको मान्छे ।
चक्रव्यू जालमा फँसेको मान्छे ।
गुमाउन पनि केही नभएको मान्छे ।
समाज देखि अलगीएको मान्छे ।
विभेदको दलदलमा परेको मान्छे ।
हुदा खानेको चेतमा आएको मान्छे ।
कंगालिकरणमा सकिएको मान्छे ।
वर्गीय सचेतनामा आएको मान्छे ।
संघर्ष र क्रान्तिमा हिडेको मान्छे ।
त्यो नै सबै भन्दा खतरा मान्छे ।
उ नै सशक्त क्रान्तिवीर मान्छे ।
"क्रान्तिवीर मान्छे"
No comments:
Post a Comment