संविधान दिवस

 संविधानले धेरै कुराहरू सुनिश्चित गर्ने प्रयास गरेपनि कार्यान्वयनमा भने शुन्य छ । पवित्र संविधानलाई भागवदगीता, स्वस्थानी, र विभिन्न पुराण वा धार्मिक ग्रन्थ जसरी सुन्ने सुनाउने र पुजापाठ गर्ने शास्त्र मात्र नभई व्यवस्थापिका, न्यायपालिका र कार्यपालिका मार्फत न्याय स्थापित गराउने अभ्यास हो । संविधान नागरिकको धन, मान र प्राणको सुरक्षा गर्ने दस्तावेज हो ।

नेपाली समाज भित्र रहेको विविधताले सृजना गरेको जटिलता र त्यसले महसुस गराएको असमानता प्रति न्यायको अनुभव गराउनु पहिलो र अन्तिम सर्त हो संविधान । हरेक दिन संविधान दिवस हो भन्ने कुरा संविधानले भुल्नु हुन्न । संविधान दिवस २०७८ को उपलक्ष्यमा सम्पूर्ण नेपालीहरूमा न्यायको हार्दिक शुभकामना ।