निर्वाचित कि विजयी

 #धरान_भक्तपुर_र_चितवनमा_नेपाली_काङ्ग्रेस_निर्वाचित_कि_विजयी

नेपाली काङ्ग्रेस धरान उपमहानगरपालिका प्रमुख पदमा ५४हजार ९सय ६२ मतदाता मध्य एक व्यक्ति एक मतको अाधारमा गोप्य मतदानद्वारा पहिलो हुने निर्वाचित हुने निर्वाचन प्रणाली बमोजिम स्पष्ट रूपमा २६हजार ७सय ९ मतदाताले रूख चिन्हमा पहिलो मतदान दिएर निर्वाचित गराएका मात्र हुन। बाँकी २९हजार मतदाता जनताको मर्म र भावनालाई जबसम्म सम्बोधन गर्न सकिँदैन तब सम्म नेपाली काङ्ग्रेस निर्वाचित मात्र भएको हो भन्ने मान्नु पर्दछ।

लोकतन्त्रमा भलै एक व्यक्ति वा मतले विरोध किन नगरोस् त्यसको अावज पनि सुनुवाइ हुनु पर्दछ भन्ने मान्यता रहेको हुन्छ। यहाँ १ हैन बहुमत संख्या विपक्षमा रहेको हुनाले वहाँहरूको चित्त बुझाउने र सम्बोधन गर्ने जवाफदेहीता अब नेपाली काङ्ग्रेस भक्तपुर, चितवन र धरानको काँधमा गएको छ। अाम जनतालाई लोकतन्त्रको विकल्प उदार लोकतन्त्र हो भन्ने जबसम्म बुझाउन सकिँदैन तब सम्म नेपाली काङ्ग्रेसले विजय प्राप्तिको प्रयासलाई राप, ताप, चाप सहदै अझ हौसला र तेजका साथ लानु पर्ने हुन्छ।

नेपाली काङ्ग्रेस धरानले लोकतान्त्रिक अार्थिक, सामाजिक नीति अन्तर्गत रहेर विविधता बिचको एकता कायम गराउदै लोकतन्त्रको मूल्य मान्यता अनुसार अाफ्नो कर्तव्य पालना गर्नेमा मन, वचन र कर्मका साथ लाग्ने क्षमता र हौसला सदैब कायम रहोस भन्दै निर्वाचित उमेद्वार उपमहानगर प्रमुख श्री तिलक राई लगायत उपनिर्वाचन भएको हरेक स्थानकन नेपाली काङ्ग्रेस जिताउन प्रत्येक्ष परोक्ष दु:ख भुलेर लाग्नु भएका नेका भातृसंस्था(नेअाज संघ, नेविसंघ, नेमसंघ, नेतदल, मुस्लिम संघ, भूपूसै संघ, दलित संघ, अपांग संघ लगायत), सुभेक्षुक संस्था(ट्रेड युनियन, सम्पर्क समिति लगायत),नगर वडा, टोल निर्वाचन प्रचारप्रसार समिति लगायत लोकतान्त्रिक पक्षधर यहाँहरू सम्पूर्णमा धन्यवाद सहित निर्वाचित हुन नसकेको स्थानको काङ्ग्रेसमा हौसला राखने र निर्वाचितमा हार्दिक बधाई तथा शुभकार्यकालको कामना!

#Power_comes_with_great_responsibility