अाफु र अाफ्नो बालबालिकाले त्यस्तो पानी पिउदैछौं जुन पानीले विदेशमा त्यहाँका नागरिक नुहाउदैनन् पनि। तर अझ हामी नै राष्ट्र अन्तर्राष्ट्रिय ठगहरूको अमर्यादित, नैतिकहिन र तुच्छ क्रियाकलापलाई राजनीतिक घटनाक्रम ठान्दैछौं जो वास्तवमा यथार्थ होईन। प्राप्त पद तथा शक्तिलाई नागरिकको वा मानवको न्यायकालागि, विशुद्ध हितका लागि गरिने न्यायिक अभ्यास हो राजनीति भन्ने विषय भन्दा गलत दिशानिर्देश गरेर अामसर्वसाधरणलाई भूल्याईदैछ। 

पानीमा ढल अाउछ, खाद्यान्नमा मिसावट, कृषक मारमा, राष्ट्रसेवक, श्रमजीवी र पेशाकर्मीलाई अभाव, शिक्षा र स्वास्थमा डकैती, मूल्यवृद्धि, लगानीको असुरक्षा, वातावरण प्रदुषण, मानवअधिकारको ग्यारेन्टी छैन, मौलिक हक र सामाजिक सुरक्षा पनि त्यही राजनीति भित्र पर्दछ भन्ने जनताले बिर्सिसके। बस सबैको मुखमा तै र तिनै ठगलाई अपवित्र बनाउने र तिनैलाई पवित्र बनाउने तिर लागेको पाईन्छ। नागरिकको भूईमान्छेको अावाज कस्ले बोल्ने, कुन दलले बोल्ने?