मानव र स्वतन्त्रता
ऋतु संगै रमाईररहेेेका जीव, जलाचर र पंक्षीहरू संग कर उठाउन बाँकी छ सर्वश्रेष्ठ प्राणी एवं व्रह्माण्डका आधिपति मानवले। वसंत ऋृतु संगै रमाईरहेआ ति चराहरूको स्वतन्त्रता देखेर मानवले नै दास बनाएको अाफु मानवलाई सम्झन्छु अनि निष्कर्षमा पुग्छु कि मानव जन्मिदै स्वतन्त्र मानिन्छन् तर यथार्थ ठिक विपरीत रहेछ।
सर्वसाधरण मानव न जन्मिदा स्वतन्त्र छन् न त जीवनकाल भरी स्वतन्त्र रहन पाउछन्। म्यारीज र सतरंज खेलका खेलाडीले फ्याल्ने र चाल्ने चालको एक पत्ती र गोटी माात्र हौं चाहे त्यो एक्का, मिस्सी, बादशाह होस् या प्यादा। कहिनकहि कतैनकतै प्रत्यक्ष परोक्ष बाट मानव सबै गुलाम हुन्।
स्वतन्त्रताको परिभाषाको रूपमा ति जीव जलाचर लाई लिन सकिन्छ जसलाई पैसा र पासपोर्ट चाहिदैन। प्रकृति र प्राकृतिक भन्दा भिन्न र छुट्टै अस्तित्व कायम गर्ने मानव तिनैको स्वतन्त्रताको बाधक बनिरहेको छ जो आफुपनि स्वतन्त्रको मर्म र भावनामा रहन चाहदैनन् र प्रकृति र प्राकृतिक तत्वहरूलाई स्वतन्त्र रहन दिदैनन्। मानव सभ्यताको ऐतिहासिक सन्दर्भलाई अध्ययन गर्दै गर्दा स्वतन्त्रता र स्वायत्ततालाई कानुन बनाएर खटाएर वितरण गर्नेमा उद्यत देखिन्छ सर्वश्रेष्ठ प्राणी मानव जाति। जानि नजानी शारीरिक र मानसिक रूपमा सबैलाई दास र मालिक बन्ने र नियन्त्रणमा रहने र राख्ने यहि क्रियाकलापमा संलग्न भईरहेको पाईन्छ।
प्रकृति र ऋतु संग रमाउन छोडेको मानवको सामाजिक इतिहास बाट सिक्दै भविष्यको खाका कोरेर मन, वचन र कर्मले तन, मन, धन सहित बढनुको विकल्प खोजे वर्तमानमा व्यहोरी रहेको भन्दा अझ भयङ्कर दुर्घटनामा पर्ने निश्चित छ। यस्तै विषयलाई मानव आफुले स्विकार्दै प्रकृतिका हरेक तत्वलाई स्वतन्त्र रहनदिने र रहनेमा अभ्यास र प्रयासरत रहौं। ऋतु संग रमाअौं र रम्न दिअौं।
No comments:
Post a Comment