च्याँखे दाउ, भूईमान्छे, MCC र हुटिट्याउँ

 

अमेरिकाको EDV भर्ने नेपाली नागरिकता त्याग्न चाहनेको मन एकातर्फ, तर्कले वचन अर्कोतर्फ भन्ने पनि पढियो बुझीयो अब मनमा के होला भन्ने बुझ्न सकिएन । व्यक्तिगत उदेश्य/लक्ष्य प्राप्तिकालागि अमेरिकाको भिसा लागि सकेका, पुगिसकेकाहरूको मन, वचन र कर्म कस्तो भन्ने सुन्न र बुझ्न रहर छ । 

MCC को पक्ष/विपक्षमा अभियान चलाएर व्यक्तिगत साथै राजनीतिक दुनो सोझ्याउने शक्तिमा सधै बसेर निरंतर लाभलिने त्यस्ता च्याँखे दाउपेच जानेकाहरू पनि पर्याप्त छन् जो आफै सडक, सदन र सरकारमा छन् । 

अब 'खाई न पाई छालाको टोपी लगाई' वर्गमा पर्ने हुदाखाने भूईमान्छे जो छौं त्यसको कुरा बुझ्दा हुटिट्याउँ र समुन्द्रको कथाको सम्झना आउँछ । त्यस पंचतन्त्रको कथामा आकाश थामेको छु सम्झने सानो भाले हुटिट्याउँले आफ्नो पोथीको विलाप देखेर अण्डा कब्जा गर्ने त्यो शक्तिशाली समुन्द्रलाई झुक्न बाध्य बनाएको थियो । 

भ्रष्टाचारले देश र समाज खोक्रो भईसकेको हुदा पनि त्यसको विरूद्ध चुईक्क नबोलेहरू, MCC को पक्ष/विपक्षमा बोलेर राष्ट्रवादी प्रमाणीत गर्न खोज्नु वा विचारमा विपक्षलाई राष्ट्रघाती तुल्याउने यस्ता अभ्यासले नेपालको एकता, सद्भाव, शान्ति र राजनैतिक स्थायित्व अझ संकटमा पर्दै गईरहेको छ । 

चिन र ईन्डिया जस्तो विश्वका शक्तिशाली मुलुकहरूको छिमेकी भएर अवसर लिन नसक्नुले निम्तने संकट नेपालका लागि घातक छ । कसले कति खेलाउदैछ, साथ दिदैछ र कति दबाबमा राख्न चाहाना राख्छ भन्ने विषय बुझेर सरकारले, राज्यले नेपाली समाजका जग्गा दलाल (मध्यस्तकर्ता)ले झै दुवै पक्ष बाट लाभ लिन नसक्नु आफ्नै गुण र क्षमतामा दोष हो भन्ने स्विकार्न सक्नु पर्दछ ।