डा. चन्द्रकुमार सेर्मा ज्यू संग

 स्व. राजा श्री ५ वीरेन्द्रले कान नजिकै भन्नू भयो "तिमी पनि अरू PM झै भ्रष्टाचारमा लिप्त हुने त हैन?"

आजका दिन समाज र राष्ट्रले चिन्नपर्ने व्यक्तित्वहरू मध्यका एक परिचित व्यक्ति धुरन्धर विद्वान, किराँती समुदाय(लिम्बू, राई, सुनुवार र याख्खा)को धर्म ग्रथ अर्थात किराँतको वेद मानिने मुन्धुमका विद र विशेष गरि हिन्दु धर्मावलम्बीले विश्वास गर्ने ज्योतिषशास्त्रका विद (ज्योतिर्विद) आदरणीय गुरु डा. चन्द्रकुमार सेर्मा ज्यू संगको भेटमा लिएको तस्बिर।

उक्त भेटमा आदरणीय गुरू बाट नेपालको ऐतिहासिक, सामाजिक, राजनीतिक, धार्मिक र सांस्कृतिक लगायत विषय संग संगै विशेष गरेर पञ्चाय व्यवस्था, नेपाली काङ्ग्रेस र काङ्ग्रेसका केही विशिष्ट व्यक्तित्वहरू संगको व्यक्तिगत निकट सम्बन्ध र वहाँहरूको स्वभावका साथै ईमानदारीता, त्याग लगायत केही विषयमा जानकारी दिनुभयो। 

स्वर्गीय राजा श्री ५ वीरेन्द्रले तत्कालीन प्रधानमन्त्री स्व. मरिचमान सिंह लाई पदस्थापना गरेपछिको पहिलो भेटमा बोल्नुभएको पहिलो वाक्य "तिमी पनि अरू PM झै भ्रष्टाचारमा लिप्त हुने त हैन?" भन्ने प्रसंग सुनाउनु भयो। जस्का कारणले स्व. मरिचमानले आफुलाई सधैं भ्रष्टाचार भन्दा टाढा राखेको पनि स्मरण गर्दै भन्नू भयो। युग पुरूष गिरिजाप्रसाद कोईराला, नेका आदरणीय नेता स्व. बलबहादुर राईका योगदान संगसंगै स्व. गोपाल राई देखि स्व. रविद्र अधिकारी सम्मको दुर्घटनाको योग संयोगका विषयमा आफ्ना तर्क राख्नु भएको थियो।

साथै वि.सं. २०५१ सालमा कार्यक्रम विशेषले उदयपुरको तत्कालीन बसाहा, बेल्टार र चौदण्डीगढी गा.वि.स को केही ठाँउ घुमेको स्मरण गर्दै चौदण्डीगढी दरवारको ऐतिहासिक महत्व सबैले बुझ्न र सबैलाई बुझाउन जरुरी छ भन्दै उक्त दरवारको संरचना र त्यहाँ प्रयोग गरिएको पत्थर र वास्तुशास्त्रको विषयमा विशेष जोड दिनुभयो। उक्त भ्रमणमा जाँदै गर्दा बसाहाको वर्षेडाँडा अवस्थित नारद आदर्श चौकमा नारद मुनिको प्रतिमा भर्खरै बन्दै गरेको र त्यहाँ अवस्थिति नारद अादर्श विद्यालयमा त्यतिखेर भएको कार्यक्रमको पनि स्मरण गर्नु भएको छ। त्यसै क्रममा बेल्टारको चाम्लिङ चोकमा बसोबास गर्नुहुने बेलायत भू.पु. सैनिक श्री कृष्ण चाम्लिङ राई ज्यूले गर्नुभएको त्यो सत्कार अझैपनि स्पष्ट स्मरण रहेको कुरा पनि सुनाउनु भएको छ।

हजुरको निम्तो स्विकार्दै पुनः हजुरकै कक्षमा भेट्न आउनेछु भन्दै समग्रमा आदरणीय गुरू संगको आजको हाम्रो भेट सदैब स्मरणीय रहनेछ भन्दै धन्यवाद सहित कोटीकोटी प्रणाम!!!

न चोरहार्यम् न च राजहार्यम् न भ्रत्र्भाज्यम् न च भारकारि ।

व्यये क्रते वर्धत एव नित्यम विद्याधनम् सर्वधनप्रधानम् ॥

मिति २०७६ मंसिर १३ गते शुक्रबार, मार्ग शुक्ल तृतिया।