बडो अचम्मको समाज
ठगलाई साधु सम्झीने यो समाज
साधुमा ठग खोज्ने यै समाज
झुटमा सत्य देख्ने यो समाज
सावधान!
जब सत्यमा सत्य खोज्न निस्कन्छ समाज
तब अाधिपत्य अमर विजयी सभ्यता परिवर्तन गर्न सक्ने पनि यही समाज।
पुजा अारधना गर्ने यो समाज
महादेवलाई विष पिलाउने यै समाज
वृहष्पतिलाई झुठो बनाउने यो समाज
खबर्दार!
जब ईमानदारीतामा ईमान खोज्न निस्कन्छ समाज
तब तिनत्रिलोक चौध भुवनको अाशन हल्लाउन सक्ने पनि यही समाज।
द्वन्दमा शान्ति खोज्ने यो समाज
राजकुमारलाई जोगीबुद्ध बनाउने यै समाज
शान्तिमा द्वन्द देख्ने यो समाज
नबिर्सिएस्!
जब शान्तिमा शान्ति खोज्न निस्कन्छ समाज
तब पवित्र मन्दिरबाट देउतालाई उठिबास लाउन सक्ने पनि यही समाज।
क्रान्तिमा वाद खोज्ने यो समाज
छविलाई प्रचण्ड बनाउने यै समाज
राजनीतिलाई अनैतिक बनाउने यो समाज
होसगरेस्!
जब राजनीतिमा नैतिकता खोज्न निस्कन्छ समाज
तब राजसंस्थाका शक्तिशाली राजा सत्ताच्युत गर्न सक्ने पनि यही समाज।
प्रचण्डलाई प्रधान बनाउने यो समाज
बालमिकीलाई रत्नाकर बनाउने यै समाज
देशलाई भ्रष्ट बनाउने यो समाज
सावधान!
जब राज्यमा सुशासन खोज्न निस्कन्छ समाज
तब प्रचण्ड प्रतापी भूपति विष्णुलाई धोबीको कुकुर बनाउने पनि यही समाज।
No comments:
Post a Comment